Siglir tar il cuntegn

Header

cuntegn

Engiadina Thomas Bächer daventa nov rectur da l'Academia Engiadina

Il cussegl d'administraziun ha elegì Thomas Bächer da Dornach sco nov rectur per l'Academia Engiadina. El cumenza sia plazza il 1. da favrer 2020. En l'avegnir fa Bächer era part da la direcziun generala sco era da la direcziun da la scola.

Purtret da Thomas Bächer.
Legenda: Thomas Bächer è vegnì elegì sco nov rectur da l'Academia Engiadina. MAD, Academia Engiadina

Thomas Bächer lavura dapi radund 20 onns sco scolast e mainascola en il chantun Basilea-Champagna. Da quai è el stà 10 onns manader da scola a las scolas superiuras Birsfelden e Muttenz. Plinavant ha el tgirà sur 10 onns las classas cun dapli lecziuns da musica. L'um da 43 onns è maridà e bab da quatter uffants.

Bächer remplazza Ueli Hartwig ch'è stà rectur dapi il 2006/07. Suenter prest 14 onns vegn el pensiunà la fin da l'onn da scola 2019/20. Grazia a la planisaziun a lunga vista saja il cussegl d'administraziun stà abel da chattar ina buna successiun per el. Fin settember hajan els elegì Thomas Bächer.

RR novitads 12:00