Engiadina - Töfs portugais sin via cun la benedicziun da Dieu - Novitads

Engiadina Töfs portugais sin via cun la benedicziun da Dieu

Tar l’emprim inscunter organisà dals «Piratas de Engadina» sin il pass dal Bernina èn sa chattads passa 400 töffists e töffistas. La pli gronda part dals participants eran da lingua materna portugaisa.

Uschia è l’emprima ediziun da l’inscunter da töfs era stada in lieu per star da cumpagnia e far festa.

Legende: Audio Bun’ura: Töfs portugais sin via cun la benedicziun da Dieu abspielen. Laufzeit 04:16 Minuten.

04:16 min, Actualitad dals 22.06.2015.

Attracziuns e benedicziun

Sper la purschida culinarica cun tratgs tipics portugais, han ils «Piratas de Engadina» che han organisà l’inscunter, era procurà per trategniment musical, ina tenda stgaudada, in studio da tattoo mobil e perfin ina show da strip la saira tard.

Per ch’ils töffists hajan la protecziun da Dieu sin via, ha Pader Cesare, in pader portugais, benedì ils vehichels durant ina messa sut tschiel avert.

Ina part dals visitaders da la festa han perfin pernottà sin 2’107 meters sur mar en simplas tendas, malgrà l’aura pauc amiaivla e las temperaturas enturn 0 grads.