«Tour de ski» en Val Müstair senza comité d'organisaziun

Il president, vicepresident ed er ulteriurs commembers han demissiunà ed uss è l'avegnir dal «Tour de ski» en Val Müstair intschert.

Tour de ski dal 2017 in Val Müstair Bild in Lightbox öffnen.

Legenda da maletgs: Tour de ski dal 2017 in Val Müstair D.Täuber

Il president dal comité d'organisaziun ha infurmà l'entschatta november a la societad purtadra en ina brev sur da la demissiun da differents posts dal comité d’organisaziun.

Ils motivs per las demissiuns èn nunenconuschents. Il president dal comité d'organisaziun ch'ha ussa demissiunà, Clà Filip Pitsch, n'è betg stà cuntanschibel. La chanzlia communala ha sulettamain infurmà ch’ins prevesia d'organisar ina sesida communabla en quest connex ils 7 da december. Il chantun ha sustegnì la cursa internaziunala dal 2017 en Val Müstair cun 90'000 francs, or da lur vista è tut in urden.

Trais giadas è il «Tour de ski» gia sa fermà en Val Müstair. La proxima giada fiss previs per l'onn 2019. Però sut las circumstanzas actualas stat ina tala organisaziun sin chommas falombras.

RR novitads 06:00