Pervi da las circumstanzas da corona han ils organisaturs dal Tour de ski Val Müstair stuì decider, da manar tras las cursas senza aspectaturs. Il club da fans da Dario Cologna na sa lascha però betg scumandar da tuttina esser da la partida. La gruppa da zampugns sa ha plazzada cun lur zampugns sin in mut var 150 meters dasper il traject.
audio
Tour de ski: En Val Müstair senza public, dentant cun las stgellas da fans
ord Actualitad dals 01.01.2021.
laschar ir. Durada: 1 minuta 47 Secundas.
Support dapi l’onn 2007
Il club da fans è dapi l’onn 2007 tar mintg’occurrenza pli gronda per dar support a las sportistas ed als sportists. Ed er sch’els na pon betg esser direct sper il traject e stgellar ed animar las passlunghistas ed ils passlunghists – na vegnia per ils fans da Dario Cologna betg en dumonda da persequitar las cursas sin la televisiun.