Siglir tar il cuntegn

Header

audio
Chor ad hoc da Guarda lascha reviver tradiziuns
Or da Actualitad dals 24.12.2022. Maletg: RTR
laschar ir. Durada: 4 minutas 14 Secundas.
cuntegn

Tradiziun a Guarda In chor ad hoc va da glisch a glisch

Dapi divers onns na datti betg pli in chor. Per laschar reviver ina tradiziun è il chor renaschì.

La tradiziun preveseva in viadi tras la fracziun da Guarda, ma senza chor n’è quai betg pli pussaivel. Ussa ha il president dal chor Antonio Dias prendì l’iniziativa e fatg flyers tras la vischnanca. Radund 30 persunas s'èn annunziadas per questa acziun.

Il basegn da s’inscuntrar è grond

Quai è segir in dals motivs. Suenter la pandemia vul la populaziun puspè s’inscuntrar e chantar da cumpagnia. Ensemen cun il dirigent Armon Schlegel s'èn giuvnas e vegls da Guarda radunads ed han emprais chanzuns tradiziunalas, questas chanzuns che vegnivan chantadas era gia da pli baud tras la fracziun da Guarda.

audio
In chor ad hoc va da glisch a glisch
ord Actualitad dals 20.12.2022. Maletg: RTR, Georg Luzzi
laschar ir. Durada: 4 minutas 14 Secundas.

Trais provas per esser pronts

En mo trais provas han els emprais ina deschina da chanzuns. Impurtanta è la cumpagnia ed il far insatge ensemen, quai è la tenuta. Ils 27 da december va ussa tut la cumpagnia tras la vischnanca a chantar. Ina veglia tradiziun da Guarda è puspè renaschida.

RTR actualitad 07:00;

Artitgels legids il pli savens

Scrollar a sanestra Scrollar a dretga