Schon dal 1966 era quai in problem, quella giada avevan ins memia paucas giuvnas che sa participavan al «bal da la schocca cotschna» ad Ardez. Malgrà la mancanza, fin oz han ins adina chattà avunda giuvnas e giuvens per organisar la festa tradiziunala.
Quest onn n’èn betg las giuvnas il problem, quest’onn datti ina mancanza da giuvens. Andrina Thom, la presidenta da la societad da giuventetgna va perquai sin tschertga da giuvens en ils vitgs vischins. Ella vul far tut il pussaivel per mantegnair la veglia tradiziun ad Ardez.
La Babania è per la giuventetgna d’Ardez in‘eveniment tut spezial, quels che sa participeschan han grond daletg. Andrina Thom na chapescha perquai betg ch'ils giuvens na s’interessan betg per questa bella tradiziun.
TR Telesguard 17:40