En l'Engiadin'Ota ha la Polizia chantunala franà ina manischunza da Tschuncaisma suentermezdi, ch'era da viadi cun 141 km/h en ina zona nua ch'i fiss stà lubì 80 km/h.
La dunna da 55 onns eria da viadi tranter Bever e La Punt cura ch'ella saja vegnida tschiffada dal laser da spertadad, communitgescha la polizia.
En consequenza haja l'automobilista da l'Italia stuì dar giu directamain il permiss d'ir cun auto e deponer 6'000 francs. La dunna vegn ussa denunziada tar la procura publica grischuna. Tgi che surpassa la spertadad lubida per 60 km/h u dapli vegn taxà sco rowdy.