L'Engadinmobil, l’uniun che coordinescha las tariffas dal traffic public en l'Engiadin’Ota, ha nudà in record d’entradas l’onn passà. Las entradas muntan a 7,4 milliuns francs, tenor il rapport annual 2022. Quai èn 11% dapli, cumpareglià cun l'onn avant.
Sco motiv menziunescha l'Engadinmobil che la situaziun saja puspè sa normalisada suenter la pandemia. Dapli giasts, dapli occurrenzas e pli paucas mesiras da segirezza hajan manà al resultat extraordinari.
