Siglir tar il cuntegn

Header

cuntegn

Traffic public Engiadin’Ota Nova fermada dal bus a Cho d’Punt a Samedan

In access en il territori Cho d’Punt a Samedan saja da grond’impurtanza, uschè Monzi Schmidt, la presidenta da l’associaziun dal traffic public da la Regiun Malögia. Numnadamain datti en il quartier d’industria tranter auter diversas firmas da construcziun, la plazza aviatica, diversas garaschas d’autos u er l’uffizi da construcziun bassa. Vul dir, ch’il quartier porscha numerusas plazzas da lavur. Tenor Schmidt nizzegiassan pia blers lavurants gugent il bus per arrivar al lieu da lavur. Vinavant augmenta il nov center da cumpra, che duai avrir sias portas la primavaira dal 2021, l’interess public.

Integrà en lingia 1

La fermada sin la via a Cho d’Punt vegn integrada en la ruta existenta da la lingia 1. Quella circulescha tranter Samedan e Puntraschigna. Il december 2020 duai la nova fermada vegnir messa en funcziun.

RTR novitads 18:00

Artitgels legids il pli savens

Scrollar a sanestra Scrollar a dretga