Engiadina - Transfurmaziun ed annex per hotel La Margna a San Murezzan
L’hotel da quatter stailas duai vegnir restaurà e manà en avegnir sco Boutique Hotel. Per pudair realisar il project ha la costa sper l’hotel da vegnir midada en ina zona d’hotel. Il suveran da San Murezzan vegn a decider la stad davart il plan da zonas.
La chadaina «Grace Hotels» ch'è dapi il 2013 la possessura da l’hotel La Margna prevesa da renovar cumplettamain l'edifizi istoric e da realisar sper quel ina partiziun generusa da Spa cun stanzas d’hotel. La surfatscha s’augmenta uschia da 5'000 m2 sin 8'000 m2.
Avant ch’il midament da zona vegn davant il suveran da San Murezzan, ha el l’emprim anc da passar il cussegl communal.
