Siglir tar il cuntegn

Header

cuntegn

Tranter Segl e Plaun da Lej Tunnel duai proteger via da Malögia

La via da Malögia, tranter Segl e Plaun da Lej, sto regularmain vegnir serrada per motivs da segirtad. Uss duai in tunnel schliar il problem. Il chantun ha perquai avert la consultaziun davart il project, sco la regenza communitgescha.

Gia il 2009 eri vegnì evaluà in project. Quel era però vegnì refusà, suenter las posiziuns da la protecziun da la natira e da la patria.

Il nov project prevesa in tunnel da 2,2 kilometers. A l'ost cumenza il tunnel 170 meters suenter la rundella Segl Föglias en direcziun Malögia.

Carta da satellit cun inditgà tunnel.
Legenda: Swisstopo, RTR grafica

Parallel al tunnel da via vegn construida ina gallaria da segirezza. Sut set tunnels è quella lura colliada cun il tunnel principal. La via dad uss duai vegnir renatiralisada per part, ma duai vinavant funcziunar sco via d'access per Segl Baselgia. Plinavant duai er dar ina via da velo charrabla en omaduas direcziuns.

Il project è budgetà cun 230 milliuns francs. La consultaziun duai anc cuzzar fin la fin zercladur 2021.

Mesiras a curta vista

Fin ch'il tunnel è però construì, datti mesiras a curta vista nua ch'i va per installar pitgas da siglientar lavinas ed in sistem d'alarm. Quai dentant sut la premissa ch'il project vegn er approvà. Questas mesiras duain sur tut augmentar la segirezza. Sche pussaivel er reducir il temp che la via è serrada.

audio
Per tadlar curt e cumpact
01:05 min, RTR Audio dals 19.03.2021.
laschar ir. Durada: 01:05 minutas.

Ord l'archiv:

Il 2019 aveva il chantun preschentà il project.

video
Rendan ils plans dal chantun per in tunnel tranter Segl e Malögia?
Or da Telesguard dals 10.04.2019.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga