Siglir tar il cuntegn

Header

video
La via chantunala tranter Vinadi ed il cunfin è puspè averta
Or da Telesguard dals 25.01.2024.
laschar ir. Durada: 4 minutas 15 Secundas.
cuntegn

Tranter Vinadi e cunfin La via è puspè libra suenter lavurs d'in mais

Suenter in mais lavurs da segirezza è la via chantunala puspè averta.

Grazia a las lavurs speditivas da firmas ed uffizi chantunal ed oravant tut grazia a l’aura han ins pudì avrir la via bainquant pli spert che previs. Las lavurs da segirezza èn finidas, tenor l’uffizi da construcziun, ulteriuras crudadas da crappa pli grondas na sajan betg da spetgar en quest lieu.

Las paraids sisum èn vegnidas rumidas a maun cun persunas spezialisadas, pli aval han ins lavurà cun maschinas pli grondas. Plinavant han ins era montà differents rempars per lung da la crudada e smersch pliras plantas ch'han la funcziun da franar material eventual.

audio
Via Engiadina vegn averta pli baud che pensà
ord Actualitad dals 25.01.2024. Maletg: RTR
laschar ir. Durada: 2 minutas 45 Secundas.

Sut controlla dal chantun

La costa da quest traject vegnia observada regularmain. Avess la situaziun da sa midar, oravant tut causa l’aura, ston ins decider co vinavant. La via chantunala è puspè averta en omadus direcziuns.

Questas lavurs èn dentant lavurs provisoricas, las lavurs definitivas suondan durant la stad 2024.

RTR actualitad 07:00

Artitgels legids il pli savens