Siglir tar il cuntegn

Header

cuntegn

Tren Engiadina – Tirol Nova societad duess unir ils interess per ina colliaziun da tren

La nova societad «Pro Alpenbahnkreuz Terra Raetica» vul coordinar la lavur sur cunfin cun autras organisaziuns da medem interess.

En Engiadina è vegnida fundada la societad «Pro Alpenbahnkreuz Terra Raetica» che vul promover ina colliaziun da tren tranter la Svizra, l’Italia e l’Austria. Sco president è vegni elegi Dario Giovanoli, giurist da Scuol da 39 onns.

Fin qua existeva be ina gruppa da facebook cun radund 2'800 commembras e commembers. Per daventar pli uffizial, avair dapli influenza, esser pli impegnativ ed oravant tut per surpigliar dapli responsabladad, han ins uss fundà la surmenziunada societad.

audio
Promover la colliaziun da tren tranter l'Engiadina ed il Tirol
02:17 min, Actualitad dals 22.07.2021.
laschar ir. Durada: 02:17 minutas.

En in emprim pass prevesan ins da collavurar cun organisaziuns da medem interess en ils pajais da l’Italia ed Austria. En Italia han ins entant gia chattà partenaris ed era suttascrit ina decleranza d’intenziun cuminaivla.

A la suprastanza da la societad «Pro Alpenbahnkreuz Terra Raetica» fan part persunas da las regiuns Engiadin’Ota, Engiadina Bassa e Val Müstair. Numnadamain èn quai, Dario Giovanoli e Duosch Fadri Felix da Scuol, Franziska Preisig per l’Engiadin’Ota, Rico Lamprecht per la Val Müstair e Valérie Favre Accola da Tavau.

RTR actualitad 12:00

Artitgels legids il pli savens

Scrollar a sanestra Scrollar a dretga