Ina suga d'atschal è stgarpada ed ha blessà in lavurer da guaud grevamain vi da la spatla. Ses collavuraturs han dà emprim agid e transportà el or dal guaud, ed in helicopter da la Rega ha transportà l'um en l'Ospital chantunal. Quai rapporta la Polizia chantunala.
Legenda:
Lieu da l'accident
Polizia chantunala
L'accident è capità la mesemna suentermezdi tranter Tschierv e Fuldera en il territori Plaun da las Vals. Ils lavurers da guaud avevan stendì sugas d'atschal per transportar aval laina, ed il lavurer blessà aveva gist controllà la tensiun da la sugas, cura che la suga è stgarpada.
La Polizia chantunala intercurescha, co che l'accident è capità.
audio
Per tadlar: las novitads da las 11:00
ord RTR Audio dals 16.02.2023.
laschar ir. Durada: 2 minutas 54 Secundas.