Il cussegl d'administraziun dal center Bainesser a Tschlin ponderescha da cumprar la chasa da scola veglia per las cundiziuns da la vischnanca. Quai ha confermà il president da vischnanca Victor Peer.
Nus avain gì in bun discurs ed avain definì sco i pudess ir vinavant.
Mardi saira èn represchentants da la vischnanca, represchentants dal center ed ils presidents da las uniuns da Tschlin sa scuntrads per discutar davart l'avegnir dal center a Tschlin. Il center è serrà dapi il matg.
Il center Bainesser che pren actualmain a fit la chasa da scola vul far investiziuns e renovaziuns en la chasa da scola. Quellas investiziuns dovria quai per satisfar las aspectaticas dals hosps dal center. Per pudair far las investiziuns sto il center cumprar la chasa da scola. Plinavant duai il nov contract reglar il diever da la sala polivalenta a Tschlin. Tenor il president da vischnanca Victor Peer duaja il cumin pudair gestiunar la sala polivalenta. Quai saja cundiziun per insumma vender la chasa.
RR novitads 06:00
