Tschlin: Quiet eri e quiet èsi restà

L’acziun dal telefon a Tschlin ha gudagnà premis da reclama internaziunals. Per ils abitants è l’acziun stada in eveniment, l'effect turistic è però modest.

Laschar ir video «L’acziun da telefon ha gì in grond resun, ma fritg n’ha ella betg purtà»

L’acziun da telefon ha gì in grond resun, ma fritg n’ha ella b...

3:31 min, Telesguard dals 29.11.2017

Durant 6 dis èn ils da Tschlin currids giu e si da las giassas per prender giu il corn dal telefon e quai 3'900 giadas. Quest’acziun da Grischun Vacanzas è vegnida onurada dals «Epic-Awards» a Berlin e dals «ADC of Europe Awards» a Barcelona.

In onn e mez suenter l’acziun

A Tschlin èsi puspè quiet. L’acziun sco tala ha promovì la cuminanza en il vitg ed è stada in’acziun daletgaivla per pitschen e grond. L’in u l’auter giast ha chattà la via si Tschlin, ma il grond currim n'ha l’acziun betg purtà.

L’acziun ord vista dal turissem

Per il turissem è quest’acziun tuttina stada in success. Tschlin ha gì in grond resun medial. Anc oz visitan schurnalists da differents pajais il vitg. Ina tal’acziun n’è betg mo per il vitg da Tschlin in avantatg, dentant in’acziun che maina glieud en l'entira regiun turistica.

RR actualitad 17:00