Siglir tar il cuntegn

Header

video
Not Vital e la «Tuor per Susch»
Or da RTR Social dals 03.07.2020.
laschar ir
cuntegn

«Tuor per Susch» In coloss da marmel sin viadi

En incumbensa da la possessura dal «Muzeum» a Susch ha l’artist Not Vital laschà realisar ina tur da marmel da 30 tonnas.

Dapi dus onns èn Gabriele Togni e ses bab Umberto vid realisar questa tur da diesch meters autezza or d'in unic bloc da marmel cun mo ina porta.

Ina sfida enorma da realisar

Il bloc da marmel era al cumenzament radund 100 tonnas grev, lura han ils Togni’s cloccà ora l’intern enfin ch'igl èn restadas be paraids da 15 centimeters e be pli 30 tonnas marmel. Tut il material stueva vegnir allontanà or da quella suletta porta existenta, quai eran radund 70 tonnas e quai tut senza provocar ina ruttadira.

Da Carrara enfin a Susch

Radund 500 kilometers lung è stà il viadi da la Toscana en Italia enfin en Svizra en vischinanza dal «Muzeum». Da Zernez enfin Susch han dus camiuns colliads in cun l'auter transportà la tur da 30 tonnas sin ina via champestra. Il privel che la tur rumpa era grond. Finalmain al lieu han duas cranas mess en pe il coloss da marmel.

L’inauguraziun da la nova tur cul num «Tuor per Susch» ha lieu ils 4 da fanadur 2020 gist suenter las chasas dal «Muzeum» a Susch ensemen cun la possessura Grazyna Kulczyk.

RTR sil punct 17:50

Artitgels legids il pli savens

Scrollar a sanestra Scrollar a dretga