Las cifras ch’ils responsabels da l'Engadina Turissem SA han preschentà als acziunaris a la radunanza generala, eran bunas. En l'entira regiun Malögia hajà dà 1,7 milliuns pernottaziuns l'onn 2023. En congual cun il record da l’onn passà è resultà in minus da 1,5%.
La separaziun da San Murezzan
Sco vischnanca la pli gronda da l’Engiadin’Ota ha San Murezzan contribuì dapli che in terz al preventiv da l’organisaziun. Uss è crudà davent questa contribuziun. Tenor il budget sajan las contribuziuns da las vischnancas d’Engiadin’Ota per l’onn 2024 tar 6,5 milliuns francs. L’onn 2023 eran questas contribuziuns anc tar 10,3 milliuns francs.
Per dar cunterpais a quest tagl finanzial significant, duajan tenor ils responsabels vegnir tscherts projects redimensiunads.
Per tut ils involvads èsi cler che l'Engiadina dovra San Murezzan, ma era che San Murezzan dovra l'Engiadina.
Cunvegna tranter las organisaziuns
Era sche las organisaziuns turisticas van vias separadas, lavuran ellas er en l'avegnir ensemen. Per exempel exista gia uss ina cunvegna, nua che l'Engadina Turissem SA surpiglia la digitalisaziun da las destinaziuns e l’organisaziun da turissem da San Murezzan duai surpigliar la commerzialisaziun internaziunala era da l'Engiadin'Ota.
-
Bild 1 von 3Legenda: La radunanza generala da la Engadina Turissem SA cun ils acziunaris e las acziunaras. RTR -
Bild 2 von 3Legenda: Kurt Bobst, president dal cussegl d'administraziun. RTR
-
Bild 3 von 3Legenda: La radunanza generala da la Engiadina Turissem SA. RTR