Turissem da sanadad cun prevenziun e reabilitaziun

Lieus turistics duessan giugar ina rolla impurtanta en il sectur da sanadad - perquai vul ins schlargiar l'offerta da reabilitaziun e prevenziun en las alps - quai è vegni discutà e preschentà durant la terza conferenza da "sanadad & turissem" a Puntraschigna.

placat Bild in Lightbox öffnen.

Legenda da maletgs: Sanadad e turissem Il turissem da sanadad duess vegnir posiziunà pli ferm en las regiuns muntagnardas. Ulrica Morell

Il turissem da sanadad pudess rinforzar il turissem en las regiuns muntagnardas - quai demussan experts indigens e da l'exteriur a la terza conferenza da "sanadad e turissem" a Puntraschigna.

Lieus turistics pudessan giugar en avegnir ina rolla impurtanta en il sectur da sanadad. Quels lieus han tut las premissas per pudair porscher programs da prevenziun e reabilitaziun decentrala.

Ils puncts positivs, che il conturn muntagnard ha per la reconvalescenza - èn:

  • L'autezza augmenta la prestaziun dal cor ed accelerescha la guariziun
  • La bella cuntrada lascha emblidar il mintgadi
  • Preschientscha dad in team da medis professiunals ed ina collavuraziun culs medis dal ospital da l'Universitad da Turitg
  • Avunda hotels ed abitaziuns da vacanzas
  • Access tar la plazza aviatica a Samedan

Martgà enorm

Che spiertas da prevenziun e reabilitaziun hajan in potenzial enorm en avegnir ha era Jürg Schmid, directur da Svizra Turissem e futur president da Grischun Vacanzas suttastritgà. Dad ina vart daventia la societad vi e pli veglia e da l'autra vart saja la glieud era pronta dad investir en sia sanadad.

Nova spierta

In dals projects preschentads è la reabilitaziun e prevenziun ambulanta per malsognas dal cor e la circulaziun da sang a San Murezzan - realisada da Santasana San Murezzan SA ch'è vegni operativ il settember 2017.

RR actualitad 17.00