Siglir tar il cuntegn

Header

video
Turistichers quintan cun bun atun – per part schizunt fenomenal
Or da Telesguard dals 22.10.2021.
abspielen. Laufzeit 3 minutas 40 Sekunden.
cuntegn

Turissem en Engiadina Bassa La Val S-charl – era questa stad in hotspot turistic

Era sche las cifras definitivas da pernottaziun n’èn anc betg sin maisa, possia l’Engiadina Bassa s’allegrar per la segunda giada en fila sin ina stagiun da stad da record. In dals indicaturs per questa prognosa, las cifras da frequenza da la posta per il traject Scuol – S-charl.

In 5avel damain passagiers, quai è il regress total che l’Auto da Posta Svizzer fa quint per tut ses trajects en Svizra il 2021. Tut auter las cifras da frequenza tar il traject Scuol – S-charl. Durant ils ultims trais onns è il numer da giasts s’augmentà per bunamain in quart, numnadamain da 56’200 l'onn 2019 a 57’400 l'onn 2020 a 71’300 quest onn.

Damai, cifras fitg allegraivlas per la regiun Engiadina Bassa. Sustegnidas vegnian quellas anc dal fitg bun sentiment dal hotelier Dominique Mayor e Martina Stadler da la destinaziun turistica. Suenter ina fitg buna stagiun da stad l’onn passà prognostitgeschian omadus ina sumegliant buna ubain schizunt anc meglra stagiun da stad quest onn.

audio
Turissem en il Grischun va bain, in sguard en Engiadina Bassa
aus Actualitad vom 22.10.2021.
abspielen. Laufzeit 2 minutas 46 Sekunden.

La raschun per quest svilup haja segiramain anc adina d’avair da far cun l'effect da corona. Auter dentant che la stagiun passada na sajan ils giasts svizzers pli sfurzads da passentar lur vacanzas sulettamain en Svizra. E tuttina haja ina gronda part puspè tschernì ina destinaziun Svizra sco lieu da vacanzas. Pia la dumonda che restia, èn ils giasts vegnids sulettamain pervia da la situaziun da pandemia u fissan els era vegnids senza pandemia.

RTR actualitad 08:00

Artitgels legids il pli savens

Scrollar a sanestra Scrollar a dretga