Mara Simões, Lars Bazarolo e Reto Inhelder, emprendistas ed emprendists dal terz, segund ed emprim onn han surpiglià il scepter dal post d’infurmaziun a Samedan. Durant trais emnas eran els responsabels per il manaschi dal biro en il center da la vischnanca da Samedan. Quai han els fatg en in rom d'in project da pilot. Quel vulevan ins schon da ditg realisar, uschia Jan Steiner, Brandmanager da l’organisaziun turistica.
L’idea da quest project era gia pli ditg en noss chaus. Nus vulessan surdar responsabladad a noss emprendists ed integrar la nova generaziun uschè baud sco pussaivel en il manaschi turistic.
Profitar da las experientschas
Ils dus emprendists e l’emprendista hajan pudì profitar da quest project. Oravant tut hajan els emprendì da lavurar anc pli autonom e da chattar sez soluziuns per ils problems.
