Radund 840 abitaziuns da vacanzas datti sulettamain en Engiadina Bassa e quellas genereschan radund 340’000 pernottaziuns per onn. Congualà cun ils hotels èn quai radund 100’000 pernottaziuns dapli.
Nagina organisaziun da tetg
Entant ch'ils hotels èn bain organisads, involvids en differents gremis ed era represchentads en il cussegl d'administraziun da l’organisaziun turistica – na datti tar la parahotellaria naginas organisaziuns. Quai duess ussa sa midar. Era la parahotellaria giavischa da pudair porscher meglras cundiziuns per entradas, tickets da pendicularas e per autras purschidas turisticas en la regiun.
Ma era tar l’organisaziun, sco per exempel la surdada da clavs, la lavandaria, l’organisaziun da persunas da nettegiar, vul questa nova societad chattar collavuraziuns pragmaticas tranter ils possessurs da las abitaziuns da vacanzas, campadis sco era chasas da gruppas.
RR actualitad 17:00