Ils da Puntraschigna ston en il futur pajar pli pauc per ir cun skis. La radunanza communala da la vischnanca ha decis ier saira da reducir il pretsch da l’abunament da las pendicularas per las indigenas ed ils indigens – quai en emprima lingia per uffants e giuvenils.
Il pretsch vegn reducì per 75% tar uffants e giuvenils e per 10% tar creschids, per distgargiar il budget da las famiglias indigenas. La vischnanca quinta cun custs annuals dad 80’000 francs. Las reducziuns valan a partir dal prim da zercladur direct tar la cumpra da l'abunament. Tar abunaments gia cumprads vegn restituì da la vischnanca la reducziun.
En pli ha il suveran approvà la nova cunvegna da prestaziun areguard il svilup regiunal cun la Regiun Malögia.
audio
Per tadlar: Las novitads da las 08:00
ord RTR Audio dals 22.03.2022.
laschar ir. Durada: 5 minutas.