Impressiuns da la Coppa Romana 2020
-
Bild 1 von 6. Bildquelle: RTR, Anna Caprez.
-
Bild 2 von 6. Bildquelle: RTR, Anna Caprez.
-
Bild 3 von 6. Bildquelle: RTR, Anna Caprez.
-
Bild 4 von 6. Bildquelle: RTR, Anna Caprez.
-
Bild 5 von 6. Bildquelle: RTR, Anna Caprez.
-
Bild 6 von 6. Bildquelle: RTR, Anna Caprez.
Da las total 76 squadras che cumbattan a la Coppa Romana per puncts e craps, èn be 8 teams indigens. Il dumber da squadras indigenas al turnier a Silvaplauna è limità sin 10, uschia il president dal comité d’organisaziun, Gregor Reich.
Craps, scuas e sliders durant stagiun morta
Fundà avevan ils da Silvaplauna la Coppa Romana avant 52 onns cun l’intenziun dad emplenir la «fora da schaner» cun in eveniment sur plirs dis. Entant tutga il turnier da curling fix en l’agenda e garantescha durant bunamain in’emna ina fitg buna occupaziun en ils hotels ed en vischnanca.
Lunga glista da spetga
Bunamain tut ils participants da la Coppa Romana èn da la partida dapi plirs onns. Gregor Reich discurra quest onn d’ina quota da 100 %. Tut las squadras èn las medemas sco l’onn passà. Unicamain 7 dals 304 giugaders èn novs. Uschia è il turnier a Silvaplauna er adina puspè ina sort reuniun da famiglia. Ina schanza da pudair giugar ina giada il turnier a Silvaplauna sco curler, datti strusch betg.
Per ch’i dat in plaz a la Coppa Romana, ha l’emprim bunamain da murir insatgi. Auter n’han ins nagina schanza.
La glista da squadras da curling che vulessan gugent giugar la Coppa Romana, saja perquai restada dapi plirs decennis lunga. La 52avla ediziun dal turnier stat sut il motto: Schlitteda e dura anc fin mesemna, ils 15 da schaner 2020.
RTR actualitad 12:00