Siglir tar il cuntegn

Header

hockey
Legenda: La plazza da glatsch è pli pitschna tar il Pondhockey. En tut datti 12 plazzas nua ch'i vegn giuvà a Silvaplauna durant trais dis RTR, A. Caprez
cuntegn

Engiadina Turnier da Pondhockey resta attractiv era senza lai

A Silvaplauna cumbattan 66 squadras durant trais dis sin il glatsch per gudagnar la 9avla ediziun dal turnier. Grazia a quel datti era dapli pernottaziuns durant la fora da schaner.

Dapi dus onns n’ha il turnier da Pondhockey betg pli lieu sin il lai schelà, mabain sin il glatsch natiral Mulets a Silvaplauna.

Avant in onn causa che la cuverta da glatsch n’era anc betg grossa avunda per preparar las plazzas da glatsch, quest onn causa che las vischnancas enturn ils lais d’Engiadin’Ota han decis da spustar il turnier davent dal lai sin la plazza da glatsch a Silvaplauna suenter in accident tragic il favrer 2015.

Era senza lai in’attracziun

L’attractivitad dal turnier na para dentant betg d’esser sa diminuida cun betg pli giugar sin il lai, ha declerà il president dal comité d’organisaziun, Menduri Kasper. Anzi, la glista da spetga saja cun 20 squadras anc adina fitg lunga. Dals stgars 300 giugaders èn 85 % già plirs onns da la partida. Grazia al turnier in schaner riva Silvaplauna d'augmentar il dumber da pernottaziuns durant il temp da stagiun bassa.

Il 9avel turnier da Pondhockey dura dals 22 fin ils 24 da schaner 2016 sin il glatsch Mulets a Silvaplauna.

Artitgels legids il pli savens

Scrollar a sanestra Scrollar a dretga