Ils tocs da concurrenza vegnan sunads la sonda il suentermezdi e dumengia l’avantmezdi en la sala polivalenta da Ftan. La concurrenza da marschar è dumengia l’avantmezdi a Ftan Pitschen. Il punct culminant da la festa districtuala è dumengia il suentermezdi cun il cortegi, nua che bunamain tut las musicas èn da la partida.
Engiadina Tut pront per la festa da musica districtuala a Ftan
750 musicantas e musicants sa radunan durant la fin d’emna dals 6 e 7 da zercladur a Ftan. Da las 25 societads da musica dal district 1 èn da la partida 20 musicas, en pli la societad da musica Ftan che organisescha quella festa.
