I na saja betg pussaivel da garantir che la Repower SA desistia da sfruttar aua durant il temp che la vischnanca da Poschiavo ha dà ina concessiun per duvrar il lai sco attracziun turistica.
Sco ch’il pledader da l’interpresa d’electricitad, Thomas Grond ha confermà a RTR, hajan els la concessiun durant 365 dis l’onn da duvrar aua dal Lago Bianco per producir electricitad.
Infurmaziun intensiva
Il manader da gestiun da la nova purschida turistica duai dentant vegnir infurmà davart mintga acziun en connex cun l’aua dal Lago Bianco. Uschia possa quel er reagir e tut tenor er serrar l’access sin la vetta da glatsch.
RR novitads 17:00