Siglir tar il cuntegn

Header

Visualisaziun dal project Porta Cho d’Punt.
Legenda: Uschia duai la surfabricaziun «Porta Cho d’Punt» vesair or a partir dal 2021. RTR, U. Morell
cuntegn

Engiadina Tuttina nagin retard per la surfabricaziun dal Migros a Samedan

Bunas novas per il patrun da construcziun Urs Pfister. L’aua sutterana che procura actualmain per rumpatesta ad inschigners e geologs paran ins d’avair pli bain sut controlla che pensà, quai mussan las pli novas mesiraziuns.

Il 2021 duai la surfabricaziun «Porta Cho d’Punt» esser a fin. Ils responsabels èn da buna speranza ch’il nov da chasa per il Migros, in tancadi e diversas butias possia vegnir realisà uschia sco planisà. Tant quai che pertutga ils termins da construcziun sco era ils custs da radund 70 milliuns francs.

Las lavurs en connex cun l’aua sutterrana restian dentant ina gronda sfida. La garascha sutterrana cun dus plauns dovra ina profunditad dad otg meters. Questa dimensiun chaschuna problems. En tut èn 14 pumpas spezialas en acziun per vegnir davent cun l'aua. Pensiers che allontanar l'aua da fund ha ina influenza sin l'entir sistem dad eco en quest territori na sajan betg giustifitgads.

Datas e fatgs

Textbox aufklappenTextbox zuklappen
  • Cumenzà a bajegiar l'avust 2018
  • Inauguraziun planisada l'onn 2021
  • 21’500 meters quadrat surfatscha da plauns (Geschossfläche)
  • Il fabricat senza infrastructura custa 48 milliuns francs
  • L’entir project vegn a custar 70 milliuns francs
  • Tgi che vegn a star en la surbajegiada: Migros Market, Migros restaurant, tancadi, lavandaria d'autos e mastergnanza indigena
Video
«Porta Cho d'Punt» – dapli aua da funs che pensà
Or da Telesguard dals 28.03.2019.
laschar ir

TR Telesguard 17:40

Artitgels legì il pli savens

Nach links scrollen Nach rechts scrollen