Tyrolienne sur la chavorgia

La suprastanza da Puntraschigna ha deliberà in credit da 150'000 francs per elavurar ils differents projects per inscenar da nov la chavorgia Ova da Bernina.

Sguard en la chavorgia, ins vesa chandailas da glatsch giganticas e persunas che rampignan londervi. Bild in Lightbox öffnen.

Legenda da maletgs: En la chavorgia nua ch'i vegn rampignà vid il glatsch l'enviern duai dar la stad autras pussibilitads da divertiment. Keystone

L'enviern è la chavorgia Ova da Bernina il Mekka per rampignaders da glatsch. Uss duai la chavorgia vegnir inscenada era la stad.

La suprastanza communala ha decidì da vulair realisar ina curta Flyline, ina sort Tyrolienne sur la chavorgia. Vid ina sua pon ins damai passar sur la chavorgia ora. En pli duai dar turas manadas tras la chavorgia ed ina u pliras plattafurmas da plexiglas, uschenumnads Skywalks.

Per l'elavuraziun dal project e la procedura da permissiun budgetescha la suprastanza tenor communicaziun 150'000 francs per il 2018, la realisaziun duai avair lieu ils onns 2019 e 2020.