Siglir tar il cuntegn

Header

cuntegn

Engiadina Uffants da San Murezzan pon ir al «Winter-Wonderland»

La fin d'emna pon mo ils giasts da la festa da nozzettas dal pèr indic giudair la roda gronda ed il carussel sin il prà da circus. Il glindesdi saira vegnan lura envidads 250 uffants da San Murezzan.

Sco il president communal Christian Jott Jenny ha confirmà envers RTR haja la famiglia dal spus Akash Ambani mess a disposiziun 250 entradas libras per il «Winter-Wonderland». La fiera cun roda gronda, carussel e glischnera avra sias portas il glindesdi saira da las 18:00 fin a las 20:00 uras per indigens.

Ils uffants vegnian priorisads, uschia Jenny enavant. Ins possia s'annunziar via mail cun declerar ch'ins giaja sin agen ristg sin ils implants.

En pli duai dar il glindesdi mezdi in cortegi da Chalandamarz da scolaras e scolars tras la fiera. Cun quel vul Christian Jott Jenny purtar als spus gratulaziuns uffizialas da la vischnanca.

RR novitads 17:00

Artitgels legids il pli savens