Ufficina per giarsuns per falegnams a Samedan fa festa

Quai ch’era vegnì fundà avant 50 onns per segirar la professiun da falegnams en Engiadina, s’ha sviluppà en il fratemp ad in’interpresa cun passa 30 emploiads.

Christian Badraun, il fundatur da l'Ufficina per giarsuns a Samedan. Bild in Lightbox öffnen.

Legenda da maletgs: Christian Badraun, il fundatur da l'Ufficina per giarsuns a Samedan. J. Duschletta

Iniziant e fundatur dal lavuratori d’emprendissadi a Samedan è Christian Badraun. L’idea da crear ina tala instituziun en Engiadina, saja naschida suenter ch’in giarsun da la scrinaria famigliara Badraun n’era betg passà ils examens. Quai er causa ch’ins n’aveva betg temp avunda da s’occupar sper il lavurar sut squitsch dals giarsuns.

Segirar la professiun en la regiun

Dal 1966 ha ins realisà finalmain la fundaziun: “Engadiner Lehrwerkstatt für Schreiner” a Samedan. L’intensiun da quel lavuratori d’emprendissadi è la scolaziun e furmaziun da giarsuns en il sectur da scrinaria e cun quai era garantir ina successiun da falegnamens en Engiadina.

Tecnologia daventada adina pli dominanta

Dapi l’inauguraziun da l’ufficina a Promulins a a Samedan dal 1967 han ins renovà et engrondì pliras giadas l’edifizi. Las pli grondas investiziuns hajan ins dentant fatg en novas maschinas e la tecnologia che sa sviluppa adina pli svelt ils ultims onns. Oz furma in team dad 8 falegnams, ensemen cun la direcziun l’Ufficina per giarsuns a Samedan. Scolads vegnan tranter 6 ed 8 emprendists per onn da giarsunadi.

Festa da giubileum

Cun ina festa da giubileum interna, fa l'Ufficina per giarsuns viva sin in mez tschientaner cun passa 200 persunas, tranter auter era numerus falegnams che han frequentà lur scolaziun en il lavuratori d'emprendissadi a Samedan.