Siglir tar il cuntegn

Header

cuntegn

Ufficina protegida Samedan Butia fa midada en lieu oriund

audio
Butia da l'ufficina protegida a Samedan fa midada
02:23 min, Actualitad dals 05.08.2021.
laschar ir. Durada: 02:23 minutas.

Avant trais onns ha l'uniun Movimento, che porscha differentas spiertas d’assistenza a persunas cun in impediment corporal u spiertal, decis d’integrar la butia da l’ufficina protegida en la chasa Dosch en il center da Samedan. Quai cun la finamira, d’augmentar las venditas e da pudair realisar dapli frequenzas.

Betg cuntanschì finamiras

Il facit suenter trais onns è che quellas finamiras n’èn betg cuntanschidas. Tenor Andrea Parolini, il manader dals servetschs centrals da l'uniun Movimento na saja il local en la chasa Dosch betg stà ideal per la butia. Numnadamain hajan clients adina stuì sunar e spetgar ch’in impiegà ils ha beneventà.

Nova butia pli attractiva

Uschia s'haja decis da turnar puspè a l’ur da la vischnanca, en la chasa principala da l’ufficina, sper l’ospital. Per ils clients da la butia duai ella vegnir pli attractiva.

En la nova butia, en nossa chasa principala, pon clients cumprar ils products e gist er observar co els vegnan producids. Quai è segir fitg interessant.
Autur: Andrea Parolini manader servetschs centrals societad MOVIMENTO

Il sortiment da la butia da l’ufficina protegida porscha tranter auter products da lain, chaussas per la cuschina e differentas sorts da paun. Tut ils products vegnan fatgs dad A – Z dals clients da l’ufficina protegida.

Uniun Movimento

Avrir la box Serrar la box

L'uniun Movimento porscha differentas spiertas d’assistenza a persunas cun in impediment corporal u spiertal en sias chasas d’abitar a Samedan, Poschiavo e Scuol. En la cuminanza d’abitar mainan ils abitants ina vita sco en il mintgadi en famiglia. Durant il di fan els lur lavur en ina da las plazzas da lavur e d’occupaziun, s’occupan ensemen a la chasada, cuschinan ensemen ed organiseschan ensemen lur temp liber. Sustegnids ed accumpagnads vegnan els da persunas d’assistenza respectivas.

RTR actualitad 12:00

Artitgels legids il pli savens

Scrollar a sanestra Scrollar a dretga