Cun la nova basa per il mantegniment da las vias a Zernez vegn il mantegniment da las vias organisà da nov. Ils lieus Ova Spin e Susch vegnan fusiunads ed en l'avegnir vegnan las lavurs da mantegniment vid la rait da vias fatgas davent da Zernez. Quai cumpiglia las vias principalas cun totalmain 55 kilometers ed ulteriurs 5 kilometers vias da colliaziun.
Sco il chantun scriva consista la basa tranter auter da l'edifizi da manaschi cun halla da parcar, locals da deposit sco er in stabiliment da deposit da dus plauns al liber, da dus silos da sal ed in silo da crappella.
La gronda part dal lain ch'ins ha duvrà per l'edifizi da minergia saja lain indigen ed elavurà en val. Stgaudà vegnia cun sonda geotermica ed il 2022 vegnia installà in implant fotovoltaic sin il tetg. Tut en tut ha la nova basa custà 6,3 milliuns francs.
