En connex cun la fabrica da l’ovra electrica cuminaivla En (OCE) vegn actualmain fabritgada l’emprima etappa da la via da velos da Martina enfin Ovella. Per 1,5 milliuns francs duai vegnir fabritgada uss ina segunda etappa dad Ovella enfin Pra Dadoura.
Betg cler sche decisiun vala anc
La dumonda che resta dentant è, sche las vischnancas han da conceder danovamain il credit correspundent. Quai pervia da la reorganisaziun da las regiuns.
Gia dal 2013 aveva la radunanza regiunala fatg bun in credit da passa 3,2 milliuns francs per colliar las dus regiuns cun ina via segira da velos. Sche questa dumonda da credit è anc adina valaivla u betg vegn sclerì uss. Sche tut va bain quinta la Regiun Engiadina Bassa Val Müstair da realisar la segunda etappa enfin la stad 2018.
Cura che la colliaziun cumpletta po vegnir terminada è dentant anc avert.