Siglir tar il cuntegn

Header

Video
Ultimatum al CSI da San Murezzan
Or da Telesguard dals 03.02.2016.
laschar ir
cuntegn

Engiadina Ultimatum per il CSI San Murezzan

La pazienza da la vischnanca da San Murezzan è a fin. Sch’il comité d’organisaziun dal CSI n’ademplescha betg las pretaisas da la vischnanca fin la fin da favrer, na survegn el nagina permissiun per il turnier dal 2016. Quai ha ditg il president communal Sigi Asprion envers RTR.

In dals puncts da dispita principals: Il comité d’organisaziun sto en emprima lingia demussar co ch’el vul pajar ils quints averts. Tranter auters spetga era la vischnanca sin raps, numnadamain sin radund 50’000 francs.

Perquai pretenda la vischnanca da San Murezzan:

  • che la finanziaziun per quest onn è garantida
  • ch’il concept dal lieu vegn meglierà
  • ch’ina persuna externa ha invista en tut ils documents dal comité d’organisaziun
  • ch’i dat in concept per pajar ils quints averts

Quai èn, tenor il president communal, Sigi Asprion, ils puncts, als quals la vischnanca ed il comité d’organisaziun èn sa cunvegnids en il ultimatum.

RR novitads 17:00

RTR/vr/ij

Artitgels legì il pli savens

Nach links scrollen Nach rechts scrollen