Las experientschas fatgas enfin oz han demussà cleramain in avantatg economic ed era turistic, uschia il maina project Philipp Gunzinger. Perquai prevesa il project, lantschà il 2019, era d’analisar in engrondiment dal territori sin la vischnanca da Scuol e Valsot. Enfin oz ins è oravant tut sa deditgà a las dumondas da realisabladad e da dretg.
En ina segunda fasa duessan ussa vegnir las organisaziuns turisticas, agricultura, chatscha e pestga e da la natira vegnir a pled. Quels scleriments duessan lura finalmain esser la basa per trair decisiuns pli definitivas. La finamira è che las vischnancas politicas da Scuol e Valsot han la pussaivladad da decider durant l’onn 2022 sur dad ina cuntinuaziun dal project. Tenor plan duess lura la populaziun pudair decider durant l’onn 2025 sur dal engrondiment.
Suot il label «UNESCO Reservat da biosfera Engiadina Val Müstair» èn oz participads il Parc da natira Val Müstair, il Parc Naziunal Svizzer ed ina pitschna part dal territori da Scuol.