Siglir tar il cuntegn

Header

video
Sin il palc vai anc per dar la davosa glimada
Or da Telesguard dals 10.12.2021.
laschar ir. Durada: 3 minutas 53 Secundas.
cuntegn

Unic e singular Zuoz Globe festivescha il giubileum da 10 onns

Il mund entir è in palc – quest citat enconuschent da William Shakespeare stat era per la filosofia da las activitads da teater dal Lyceum Alpinum Zuoz. Il stabiliment – il Zuoz Globe – è la tgina, che scolescha dapi 10 onns las scolaras ed ils scolars en empatia, curaschi, pazienza e spiert da gruppa – giugond a teater.

Zuoz Globe vegn manà dapi l’onn 2014  dad Ivo Bärtsch. El aveva surpiglià da quest temp la direcziun da Giovanni Netzer. Per Ivo Bärtsch era cler che questa chasa da teater, il Zuoz Globe duai daventar ina sort da vaidrina cun la pussibilità da guardar vers anora, mabain era vers anen.

Ussa, ils 10 da december 2021 festivescha il Zuoz Globe ses 10avel anniversari. Per quest giubileum èn planisadas ina fin d’emna da festa, e quest venderdi saira era la premiera da l’adapziun da  «Julius Cesar». Quest toc era vegnì represchentà l'onn 1599 per l’emprima giada, per inaugurar il nov Globe Theatre a Londra.

  

RTR Telesguard 17.40

Artitgels legids il pli savens

Scrollar a sanestra Scrollar a dretga