Siglir tar il cuntegn

Header

cuntegn

Engiadina Uniun da promoturs per la Chasa Guarda

L'uniun da promoturs "Ils battagls" vul gidar da finanziar la Chasa Guarda sco lieu cultural

promoturs
Legenda: Persunas ord la politica, l'economia e dal turissem regiunal partecipeschan a l'uniun da promoturs "Ils battagls" TESSVM/N. Meyer

Represchentants da la Pro Guarda, da l'economia, da la politica e dal turissem regiunal han suttascrit a Guarda ina decleraziun d'intenziun per fundar l'uniun da promoturs "Ils battagls". Quai communitgescha la destinaziun Engiadina Scuol Samignun Val Müstair. L'uniun vul promover la finanziaziun dal project Chasa Guarda. La Chasa Guarda duai esser ina chasa da cultura ed in lieu d'inscunter en Engiadina Bassa. Il project Chasa Guarda vul profitar dal resun dal film da kino Uorsin da l'onn passà. La Chasa Guarda duai esser il nov da chasa da Uorsin a Guarda, ma era mussar las valurs insumma da la vita culturala en Engiadina Bassa.

La chasa che vegn ad esser la Chasa Guarda è en possess da la fundaziun Pro Guarda. Per la renovaziun ed inscenaziun nova da la chasa vul ins investir radund 3 milliuns francs. La Chasa Guarda duai avrir las portas l'onn 2018.

Artitgels legids il pli savens