Dapi l'onn 2017 è Hermann Thom president da l'Uniun dals Grischs. El ha durant quests tschintg onns tranter auter sviluppà il project per transfurmar l'uniun per l'avegnir. Uss saja il project pront per il proxim pass, e cun quai saja il mument ideal per metter a disposiziun l'uffizi. Era perquai ch'el haja anc ulteriurs engaschaments persunals e professiunals.
audio
I saja in bun temp per far midada, di il president partent Hermann Thom
ord RTR Audio dals 24.02.2022.
Maletg: RTR
laschar ir. Durada: 23 Secundas.
Dasper Hermann Thom han era demissiunà ils dus suprastants Duri Denoth (pervia da limitaziun dal temp d'uffizi) e Martina Shuler-Fluor (dapi il 2021 en suprastanza).
La radunanza generala da l'Uniun dals Grischs sto damai eleger ils 23 d'avrigl 2022 in nov u ina nova presidenta, e dus novs suprastants. Ils dus suprastants Romedi Conradin e Victoria Mosca sa mettan puspè a disposiziun.