La societad per lingua e cultura rumantsch ladina en Engiadina, Val Müstair e Bravuogn è activa dapi il 1904. Uss ha ella da chattar novas vias per meglierar las structuras da l’organisaziun.
Novs commembers, novs suprastants, nov num
Tenor Hermann Thom, il president da l’Uniun dals Grischs vulan ins oravant tut modernisar las structuras generalas da la societad. In tagl haja dà la decisiun da distatgar la commembranza cun la cumpra dal Chalender Ladin. L’onn passà hajan cumprà passa 2’000 persunas il chalender ed èn stadas tras quai automaticamain commember u commembra da l’uniun. Oz quinta l’uniun anc var 100 commembras e commembers.
Vinavant ha l’Uniun dals Grischs da reoccupar differents posts en la suprastanza e lura reponderescha l’organisaziun il num sco tal. Tenor Hermann Thom na circumscriva «Uniun dals Grischs» numnadamain betg quai che la societad fa. Per el vegn perquai en dumonda da tschertgar in nov num innovativ che dat schlantsch a l’uniun, ubain ch’ins vegn a rinforzar meglier la marca UdG cun pliras mesiras da marketing.