Siglir tar il cuntegn

Header

video
Nova dimora per persunas cun demenza
Or da Telesguard dals 14.12.2022.
laschar ir. Durada: 3 minutas 8 Secundas.
cuntegn

Uniun «Frondis» Crear bels muments a persunas cun demenza

audio
Nova dimora a Silvaplauna per persunas cun demenza
ord Actualitad dals 14.12.2022. Maletg: RTR
laschar ir. Durada: 3 minutas 40 Secundas.

Dapi trais onns exista l’uniun «Frondis» en Engiadin’Ota. In’uniun che porscha ina spierta che sustegna persunas cun demenza e distgargia lur confamigliars. A partir dal schaner dal 2023 fa l’uniun il proxim pass ed avra ina dimora dal di a Silvaplauna nua che persunas cun demenza pon passentar il di. Claudia Visinoni è l’inizianta dal project ed ha fundà l’uniun pervia da sia istorgia persunala. Numnadamain ha ses bab survegnì l'onn 2015 la diagnosa d'Alzheimer. Per levgiar il mintgadi a la famiglia ha ella engaschà ina persuna ch'ha guardà dus giadas l'emna dal bab.

Jau n'hai mai vis a rir mes bab uschè ferm sco durant quel temp.
Autur: Claudia Visinoni inizianta uniun Frondis
Il schaner 2023 avra la dimora a Silvaplauna sias portas.
Legenda: Il schaner 2023 avra la dimora a Silvaplauna sias portas. RTR, Ulrica Morell

Crear in bun temp per ils giasts

Las experientschas positivas hajan dà il schlantsch da fundar l’uniun «Frondis». Dus dis l’emna pon sis persunas cun demenza passentar il di en la dimora a Silvaplauna. Là vegnan ellas accumpagnadas e sustegnidas da duas persunas dal fatg. Star patgific, cuschinar e simplamain passentar bels muments saja la finamira. Cun la spierta da l'uniun «Frondis» è pia vegnì sviluppà in lieu en Engiadin'Ota che procura in bun temp a persunas cun demenza e da distgargia als confamigliars.

RTR actualitad

Artitgels legids il pli savens

Scrollar a sanestra Scrollar a dretga