Siglir tar il cuntegn

Header

cuntegn

Uniun «Movimento» L’olimpiada è crudada en l’aua

Las abitantas ed ils abitants cun impediment dals lavuratoris protegids en Engiadina e Vals dal Sid han stuì desister sin lur di da sport tradiziunal.

L’onn passà causa corona e quest onn causa la plievgia. L’olimpiada tranter ils teams dals lavuratoris protegids da Samedan, Scuol, Müstair e Puschlav han stuì desister da lur di da sport tradiziunal pervi da l’aura. Per las abitantas ed abitants da las chasas per persunas cun impediments è quai numnadamain in impurtant inscunter, di il manader dal servetsch central e substitut da la mainagestiun, Andrea Parolini.

Collavuraziun cun «Swiss special olympics»

L’uniun «Swiss special olympics» vul promover che persunas cun impediments vegnan integradas en ils clubs locals e regiunals. Quest onn han ins perquai collavurà per l’emprima giada cun l'uniun. Durant in mez onn han abitantas ed abitants interessads uschia pudì giugar ensemen cun clubs da tennis en Engiadin’Ota.

audio
Uniun “Movimento” Engiadina e Vals dal Sid
ord Actualitad dals 14.07.2021. Maletg: RTR, Georg Luzzi
laschar ir. Durada: 2 minutas 40 Secundas.

Il grond highlight – Engiadina cunter Poschiavo

Sper las disciplinas golf e tennis vegn giugà in gieu da ballape tranter las regiuns. Ils ultims onns han adina gudagnà ils Puschlavins. E perquai ch'i na dat quest onn nagin di da sport, resta il buccal ambulant da ballape anc in onn dapli en la Val Puschlav.

Uniun Movimento

Avrir la box Serrar la box

L’uniun Movimento sustegna persunas cun impediments e lur confamigliars. Tar quest’uniun appartegnan las chasas «Ufficina» a Samedan, «Incontro» a Poschiavo, «Buttega» a Scuol e la «Buttega Jaura» en la Val Müstair. Las chasas porschan cuminanzas d’abitar e plazzas da lavur ed occupaziun a persunas cun impediments.

RTR actualitad 11:00

Artitgels legids il pli savens