Siglir tar il cuntegn

Header

cuntegn

«Ustarea Spluga» ad Ardez Cun realisar midà idea

L’idea oriunda era da construir localitads per ils collavuraturs, ma ussa datti in'ustaria per la vischnanca.

Legenda: L'Ustarea Spluga ad Ardez duai reviver en il vitg. RTR, Georg Luzzi

L'impressari da construcziun Armon Thomas d’Ardez ha cumprà ina chasa al cumenzament da la vischnanca d’Ardez. Oriund ha el vulì stgaffir abitaziuns per collavuraturas e collavuraturs. Cun renovar ha el però chattà fastizs d’ina ustaria gia lunsch emblidada.

Uschia ha el decis da laschar reviver quest local sco ustaria. Paraids enstil stucco veneziano, fanestras cun ornaments ed in plafond plain maletgs nunenconuschents.

audio
Ardez: Ustaria Spluga empè d'abitaziuns
03:03 min, Actualitad dals 06.09.2021.
laschar ir. Durada: 03:03 minutas.

Zuppà sut trais liadiras da la chasa ha el chattà il num «Usterea Spluga» ed autras infurmaziuns che mussan che qua era ina da las 12 ustarias ch’eran avertas durant la construcziun dal traject da la Viafier retica tras l’Engiadina Bassa. Quest traject è vegnì avert il 1913. Ma cun la fin da la construcziun è pli probabel vegnida serrada quella e bajegiada enturn per auters scopos.

L'october è previsa l’avertura da la veglia ustaria che duess daventar in inscunter per giasts ed indigens e manar quels en il temp gia lunsch passà.

RTR actualitad 12:00

Artitgels legids il pli savens

Scrollar a sanestra Scrollar a dretga