L'anteriur veterinari chantunal, Rolf Hanimann è innocent areguard laschar vaccinar per sforz las nursas dal pur Tumasch Planta cunter la malsogna da la Lieunga Blaua. Quai ha decidì la dretgira regiunala Engiadina Bassa/Val Müstair, suenter ch'il cas è stà avant dretgira federala e turnà en l'Engiadina.
Il 2008 aveva il veterinari chantunal relaschà in obligatori da vaccinar cunter la Lieunga Blaua. Il pur Tumasch Planta aveva refusà da laschar vaccinar sias nursas. Sinaquai aveva il veterinari chantunal Hanimann ordinà in'acziun da notg e vaccinà las nursas da Planta. Planta n'ha anc betg ditg, schebain el tira vinavant questa sentenzia u betg.
Malsogna da lieunga blaua
Avrir la boxSerrar la box
La lieunga blaua è ina malsogna infectusa virala da remagliaders sco vatgas, nursas u chauras. Il num deriva da la colur blaua ch'ils animals survegnan sin la lieunga sch'els èn infectads. La lieunga blaua s'auda tar las malsognas d'epidemia ch'ins è obligà da denunziar.
