Igl è in di insolit en la Val Fex. Radund 200 aspectaturs vegnan per admirar la spassegiada da 900 nursas d’ina vart da la val a tschella sur il flum Fedacla. Ils purs tiran gist a niz la situaziun per far zavranza, controllas medicinalas ed il bogn da pes. Il motiv che els fan ils davos onns la zavranza gia l'avust è ch'il pretsch per agnels è lura che en settember. Quest onn na para quai però betg d’esser il cas causa il luf.
Preschientscha dal luf:
Il luf ha procurà per sfidas durant la stad, però en autra maniera che pensà. Causa attatgas da lufs en autras regiuns, han ins stgargià anticipadamain pliras alps da nursas e vendì sin il martgà da maz. Tras quai e crudà il pretsch sin il martgà.
En la Val Fex han ins gì fortuna cun il luf. Be in agnè è vegni stgarpà l’entschatta da la stagiun. Las proximas trais enfin quatter emnas resta la scossa anc en la val Fex avant che returnar sin pastgiras en ils conturns da San Murezzan. Enfin tar la midada da la scossa da l'autra vart da la val han ils purs han pudì tar ina bilantscha intermediara positiva.