La vischnanca Val Müstair posseda diversas immobiglias. Ina part da quellas dovri per ademplir las leschas prescrittas da la lescha superiuras. Autras immobiglias da la vischnanca fusiunada vegnan dadas a fit per abitar. Cun quellas entradas vegnan finanziadas almain per part il mantegniment dals edifizis. L'uffizi da bajegiar communal ha uss survegnì l'incumbensa d'examinar tut las abitaziuns e chasas en Val Müstair, ch'èn en possess communal.
A maun da questas infurmaziuns veglian ins alura decider, nua ch'igl è necessari d'agir, per exempel cun far pitschnas renovaziuns. La finamira saja er da vender ina part da las immobiglias, uschia la presidenta communala Gabriella Binkert Bechetti. Gia gartegià è quai per exempel cun la vendita da l’edifizi da Lüstailas.