L’interess per l’emprima «sgromblada» da glin en Val Müstair è stà grond. Persunas da tut las Svizra e dal Vnuost han visità ils differents stans e la Tessanda a Sta. Maria. Quai per vesair co che la granezza vegn rutta e suenter elavurada. La glieud ha perfin pudì empruvar ora sez l’artisanadi vegl.
Il Parc da natura Biosfera Val Müstair e la Tessanda avevan lantschà l'onn 2021 il project: «Glin – recultivaziun in Val Müstair». Cun quest project duain ils ers da glin e l’elavuraziun da quel puspè daventar ina part da la cultura e cuntrada da la Val Müstair.
-
Bild 1 von 11. Il glin en sia furma suenter la racolta. Bildquelle: David Spinnler.
-
Bild 2 von 11. L'interess per il rumper glin en in clavà a Sta. Maria è stà grond. Bildquelle: David Spinnler.
-
Bild 3 von 11. Lavur a maun è dumandada durant l'elavuraziun da glin. Bildquelle: David Spinnler.
-
Bild 4 von 11. Ils visitaders han era pudì emprovar ora sez l'elavuraziun dal glin. Bildquelle: David Spinnler.
-
Bild 5 von 11. Lavurà vegn cun guaffens ch'ils pli paucs han gia gì en maun ina giada en lur vita. Bildquelle: David Spinnler.
-
Bild 6 von 11. Las giassas a Sta. Maria s'èn emplenidas cun glieud durant l'emprima rumpada da glin. Bildquelle: David Spinnler.
-
Bild 7 von 11. Fascinaziun per in artisanadi vegl. Bildquelle: David Spinnler.
-
Bild 8 von 11. L'elavuraziun da la granezza cun la roda da filar n'è betg uschè simpla. Bildquelle: David Spinnler.
-
Bild 9 von 11. Lavur minuziusa cun filar il glin. Bildquelle: David Spinnler.
-
Bild 10 von 11. Glin elavurà en differentas furmas. Bildquelle: David Spinnler.
-
Bild 11 von 11. Or da glin vegnan fatgs ils pli differents products. Bildquelle: David Spinnler .
L’onn passà han ins cumenzà cun emprimas provas da plantar glin sin ina surfatscha dad in’ara. Quest onn è vegnì tiers in segund pur ed entant vegnan cultivadas trais aras cun glin. La fin da l’avust 2023 è stada la racolta dal glin ch’è pronta per l’elavuraziun. Il success da l’emprima «sgromblada» en Val Müstair dettia curaschi da cuntinuar cun il project, uschia il directur dal Parc da natüra Biosfera Val Müstair, David Spinnler.