Siglir tar il cuntegn

Header

video
Gabriella Binkert Bechetti ha fatg be ina vusch dapli che Rico Lamprecht
Or da Telesguard dals 27.09.2020.
laschar ir
cuntegn

Val Müstair Gabriella Binkert è suenter la terza emprova presidenta

En sia terza emprova per daventar presidenta da la Val Müstair èsi gartegià: Gabriella Binkert Bechetti (PPS) ha survegnì 434 vuschs e remplazza uschia il president da vischnanca actual, Rico Lamprecht (PBD), che ha fatg 391 vuschs.

La decisiun è stada fitg stretga: Gabriella Binkert Bechetti ha fatg be ina vusch dapli che necessari per dumagnar il pli absolut da 433 vuschs. Rico Lamprecht ha survegnì 391 vuschs.

Reunir las duas gruppas

La nova presidenta è cuntenta ch'ella è ussa vegnida elegida en quest uffizi. Ch'i dettia ina decisiun stretga saja stà cler per ella. Gia l'ultima giada saja la decisiun stada stretga.

Ina revoluziun totala n'ha Binkert Bechetti betg en senn, ma i dettia pliras sfidas che spetgian ils proxims onns. Ma la finala giaja per guardar che la vischnanca vegnia vinavant e prospereschia.

Rico Lamprecht è dischillus

La decisiun tranter Binkert Bechetti e Rico Lamprecht è davaira stada stretga. L'ultima giada è la batgetta crudada en ils mauns da Lamprecht, questa giada tar Binkert Bechetti.

Jau avess gugent anc ina giada fatg quatter onns sco president communal, ma quai è d'acceptar.
Autur: Rico Lamprechtpresident communal vertent

Lamprecht accepta dentant l'elecziun. El è da l'avis ch'el haja fatg buna lavur, ma la val saja probabel restada in zic partida e questa giada haja Binkert gudagnà.

RTR actualitad 12:30

Artitgels legids il pli savens

Scrollar a sanestra Scrollar a dretga