Super. Bellischem. Ina prestaziun grondiusa. Uschia tunan las opiniuns da las visitadras ed ils visitaders dal teater en il liber “Girunvalla”. La premiera dal gieu è gartegiada.
Ina bellezza. La culissa – ina bellezza. E l’atmosfera qua sin il plaz grond è natiralmain super.
Era il reschissur Chasper Ans Gaudenz ha be buns pleds per la premiera dal gieu “Girunvalla” ed è fitg cuntents.
«Girunvalla» – in gieu liber modern cun basa tradiziunala
«Girunvalla», il gieu liber vegn preschentà il fanadur avant la culissa istorica dal Plaz Grond a Müstair. Il toc è ina traducziun jaura dal roman «Geier Wally», publitgà l’onn 1883 da l’autura tudestga Wilhelmine von Hillern. L’iniziant ed il reschissur dal project è il magister pensiunà, Chasper Ans Gaudenz da Fuldera.
Jau aveva daditg il teater da Girunvalla en mia chaschutta, uss suenter mia pensiun, hai jau gì il schlantsch ed il temp per realisar il project.
Girunvalla è in toc tradiziunal cun ina tematica, che è e vegn a restar actuala. Numnadamain il cumbat da la giuvna Girunvalla per ses dretgs e per sia amur. L’istorgia è vegnida preschentada durant ils ultims 130 onns en diversas versiuns sin il palc, sco film e perfin er sco opera. Quai demussa, che quell’istorgia n'ha mai pers si’actualitad. La traducziun en lingua rumantscha ha fatg Gion Gaudenz barmier.
Tradiziun da teater en Val Müstair
Da chattar las 11 acturas ed acturs per il gieu liber, na saja stà nagin problem. Ils teatrists derivan ord las duas gruppa da teater en Val Müstair. «Girunvalla» è ina versiun scursanida, adattada al temp dad oz. In’istorgia dramatica cun bler’acziun enturn la persuna principala, giugada da Samuela Duschletta.
Impressiuns emprova da teater
-
Bild 1 von 24. Girunvalla – giugada da Samuela Duschletta. Bildquelle: RTR.
-
Bild 2 von 24. Il tschess barbet sin il tetg. Bildquelle: RTR.
-
Bild 3 von 24. La culissa dal gieu liber sin il Plaz Grond a Müstair. Bildquelle: RTR.
-
Bild 4 von 24. Ina sequenza dal film per cumenzar il gieu liber. Bildquelle: RTR.
-
Bild 5 von 24. Ina fantschella amez la lavur. Bildquelle: RTR.
-
Bild 6 von 24. Trais teatrists en acziun sin il plaz, gidanters dal bain puril. Bildquelle: RTR.
-
Bild 7 von 24. La musica ch'accumpogna il gieu liber. Bildquelle: RTR.
-
Bild 8 von 24. Il gieu liber vegn adina puspè accumpagnà cun musica melancolica. Bildquelle: RTR.
-
Bild 9 von 24. Il ghittarist chanta ina chanzun melancolica. Bildquelle: RTR.
-
Bild 10 von 24. Girunvalla sin il funs, il bab cun bastun è grit. Bildquelle: RTR.
-
Bild 11 von 24. Girunvalla ha blessà a Vincenz. Bildquelle: RTR.
-
Bild 12 von 24. Hectica sin il plaz suenter la dispita tranter Girunvalla e Vincenz. Bildquelle: RTR.
-
Bild 13 von 24. Girunvalla sa dosta a tut pudair. Bildquelle: RTR.
-
Bild 14 von 24. Josef il chatschader dal urs e sia giuvna cumpogna. Bildquelle: RTR.
-
Bild 15 von 24. Girunvalla sin chamona cun visitas. Bildquelle: RTR.
-
Bild 16 von 24. La dunna resoluta – la Girunvalla. Bildquelle: RTR.
-
Bild 17 von 24. La giuvna cumpogna dal chatschadur dal urs. Bildquelle: RTR.
-
Bild 18 von 24. In dals gidanters sin il bain puril. Bildquelle: RTR.
-
Bild 19 von 24. Girunvalla ed il bab. Bildquelle: RTR.
-
Bild 20 von 24. Girunvalla è turnada a chasa. Bildquelle: RTR.
-
Bild 21 von 24. La servitid dal bain puril. Bildquelle: RTR.
-
Bild 22 von 24. Dus gidanters dal bain puril cul chatschader dal urs. Bildquelle: RTR.
-
Bild 23 von 24. Ina gidantra dal bain puril. Bildquelle: RTR.
-
Bild 24 von 24. Il reschissur Chasper Ans Gaudenz. Bildquelle: RTR.
Il toc da «Girunvalla» pretendia bler dals acturs ed acturas laics, suttastritga Chasper Ans Gaudenz. Igl è da cridar, dispitar, bitschar, chantar e bastunar sin il palc.
En tut en prevesidas tschintg represchentaziuns. La premiera è la sonda, ils 15 da fenadur 2023.
Ultra da quai datti in program accumpognand cun ina sairada cun il girun en il center, ina prelecziun cun Tim Krohn e Plinio Meyer sco er ina saira cun trais films da Radiotelevisiun Svizra Rumantscha.