Siglir tar il cuntegn

Header

audio
Val Müstair: 10'000 ovs spetgan da vegnir vendids
Or da Actualitad dals 16.04.2022.
abspielen. Laufzeit 2 minutas 40 Sekunden.
cuntegn

Val Müstair Il pulom n'ha betg stagiun bassa

10’000 ovs spetgan sin in cumprader, ma Maisha Joss ha chattà ina soluziun.

Avant radund dus onns han Maisha Joss e Janic Andrin Spinnler surpiglià ina puraria en Val Müstair. Sper vatgas mamma possedan els era 400 giaglinas che curran per stalla enturn e quellas n'enconuschan nagina differenza da la stagiun auta e bassa. Tenor Maisha Joss han ils hotels ed abitaziuns da vacanzas cumprà marcantamain damain ovs durant l’enviern passà. Plinavant han era las butias en Val Müstair cumprà pli paucs. La stagiun turistica en Val Müstair è tenor ella betg stada ideala.

Grassrooted sco soluziun

Grassrooted è ina instituziun a Turitg che cumprà surproducziuns ed emprova da vender quels. Maisha Joss ha gì contact cun els ed ussa funcziuna puspè la vendita dals ovs. Tenor ella vegnan els da vender anc a temp ils ovs ed il rest prevesa ella da regalar. Per l'avegnir vulan els però adattar la producziun ed eventualmain sa concentrar sin giaglinas da raz, chattar ina nova ed attractiva nischa per vender ils ovs cun success.

RTR actualitad 08:00;

Artitgels legids il pli savens

Scrollar a sanestra Scrollar a dretga